الاسم: فارس بنى خيبان 
صباح الخير او مساء الخير او اى حاجة تحبوها طبعا انتم مش عارفين انا مين و لا انا عارف انتم مين و لا يهمكم يعنى مش حاجة مهمة قوى عشان تعرفونى ما علينا زى ما انتم شايفين المدونة بتاعتى على البلاط ده لسببين واحد انى جديد على العالم ده و التانى انى مش عارف اكلمكم فى ايه ؟؟؟ انتم رايكم اكلمكم فى ايه عن نفسى ؟؟؟ مش عارف بيتهيألى انى مش زويل و لا البيرونى عشان اكلمكم عن نفسى اكلمكم عن مصر؟؟؟؟ بيتهيألى العملية مش ناقصة كفاية انى ....... و لا بلاش كفاية لحسن الاقى البوليس طابب على بيتنا و متعرفوش حاجة عنى طب اكلمكم عن الوضع العربى الراهن؟؟؟؟؟؟؟؟؟؟؟ ههههههههه انا كل ما حد يقولى تعالى نتكلم عن الوحدة العربية و الكلام ده اضحك و اقوله انى ممكن اخلى القرد يتكلم و اخلى الكلب يشوف قوس قزح بس مش ممكن اخلى العرب يتحدوا(على فكرة الكلب عنده عمى ألوان) طب نتكلم عن ايه؟؟؟؟؟؟؟؟ اقولكم سيبوا الموضوع يجي لوحده ممكن يكون عن اى حاجة ممكن يكون موضوع مهم و ممكن يكون موضوع مالوش اى لازمة بس نعمل ايه بقى احنا للاسف عرب شغلتنا الكلام مش اكتر بس قبل ما امشى اديكم معلومات على الماشى عنى كده انا طالب بكلية الاعلام جامعة القاهرة عندى 19 سنة من سكان القاهرة هوايتى الرئيسية القراءة و بعد كده الكومبيوتر و النت مش لازم شات ممكن اقعد اتصفح المواقع اقرأ معلومات عن اى حاجة بيتهيألى كفاية كده طولت عليكم المهم انا مش طالب منكم انكم كل يوم تزوروا المدونة بتاعتى انا عاوزكم تنسونى لفترة من الزمن و بعد كده و انتم قاعدين بتقلبوا فى المواقع افتكروا موقع مكتوب و مدونة الواد اللى فاكر نفسه حاجة يمكن يكون كتب اى حاجة و مش هطلب منكم تعلقوا بس لو شفتم الموضوع اللى انا كاتبه يستدعى انك تعلق او انك لقيت كلام مستفز و مش عاجبك رد عليه بس لو سمحت و لو تتكرم عليا يكون فى حدود الادب و كله على حسب تربيتك و اللى هيرد بكلام 
خارج انا مش هرد عليه يلا بقى بيتهيألى طولت عليكم قوى( امال يا عم لو كتبت موضوع هتعمل فينا ايه ) ؟
سلام حتى اجد كلام
كتبها فارس بنى خيبان في 12:18 مساءً ::
شكرا اخي الغالي علي الاجابة علي سئوالي لانة بالنسبة لي يمثل لي الكثير اما عن الحب فانة في راي ان الانسان ولد بالحب ومن اجل الحب والحب هو نعمة كبيرة من الله لجعل القلوب تتعارف وتعشق بعضها الاخر وهية نعمة لمن احب بصدق وعذاب لمن حاول الخيانة ونصيحة اخوية اتمني من كل الاحبة ان يتفهم كل منهما الاخر كما هو وعدم الفرقة بين كل قلبين اتفقا علي الحب الي اخر الزمان
وشكرا لك للاجابة علي السئوال
بيبو
أهلا بالفارس!
ولكن لم الخيبة؟! الفروسية والخيبة لا تجتمعان. هذا في الأصل، ولكن ربما تجتمعان في مضارب بني يعرب في هذا الزمان البائس!
وأهلا بك في عالم التدوين والمدونات. أعجبني أسلوبك العفوي والتلقائي، بدليل عنوان مدونتك. أنا أعرف أن كل مدون بحاجة لتشجيع، وخاصة في بداية تجربته، وثق أنني سأدعمك بالقراءة والمتابعة والتعليق. يومياتك مدهشة، وحلاوتها في بساطتها وعفويتها.
وأحببت هنا أن أرد التحية بمثلها بعد أن زرتني في مدونتي "أوراق مسافر" a-karim@maktoobblog.com وكتبت فيه تعليقك الجميل.
أتمنى لك وقتا ممتعا ومفيدا في عالم المدونات
ابن بطوطة
تحياتي لك يا زميل ، أنا أيضا طالب إعلام :)
أنضم إلى الإخوة المرحبين بك في دنيا المدونات ، و لعلي أخبرك بما كتبته من فترة قصيرة حول ما أنت بحاجة له فيما يتعلق بالتدوين و المدونات ... تجده هنا
http://www.ahmadblog.net/mag
أتمنى لك تدوينا طيبا ...