بيتهيألى

انا جيت، طبعا الاحوال اتغيرت، لكن اللى اقدر اقوله - وده حسب مقولات اللى حواليا - اني بقيت اتريق اكتر من الاول يعنى بقيت ساخر حتى في ناس قالتلي انت مفكرتش تكتب مقالات ساخرة، بس طبعا الناس دي انا مبصدقهاش لسه بدري عليا قوي، كل اللى اقدر اقوله انه خرجت للحياة اللى بيقولوا عليها "عملية" و اللى انا بطلق عليها مرحلة " الربط في الساقية" و للاسف معظمنا بيتربط في الساقية غلط فمفيش مية بتطلع، النهاردة انا حاطط لكم "شبه" تدوينة جديدة  لانها الصراحة بقالها حوالي 7 شهور .

الحكاية

في يوم من الايام الجميلة اللى بتمر بيا حصل ان مديري في العمل طلب مني  موضوع بمناسبة الصيف عشان يتنشر على الموقع، المضحك في الموضوع اني مبحبش الصيف و كمان اليوم ده بالذات انا اتسرق مني الموبايل بتاعي - وده حكاية تانية لو في وقت هبقى احكيها لكم - حاولت اني اتهرب من الموضوع لاني كنت متعاظ من السرقة اللى حصلت لي لكن كان صدر الفرمان على كل اللى قاعدين في الموقع بعمل موضوع لنشره، الصراحة انا حاولت اطلع كل غيظي في الموضوع اللى عملته ليظهر في الشكل التالي اللى قدامكم ده من غير اى تغيير.

———————————————————————————————————–

الدليل العجيب في  خروجات الصيف الرهيب

 حر شديد…. شمس شديدة….. عطش…. حالة من التأفف, أعرفك بالصيف كثيرون منا خصوصا الطلبة يسعد جدا بالصيف, حسنا أنا لم أعد طالب ولا أحب الصيف لكن المفترض أن أحدثكم عما يمكن فعله في الصيف.

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

عزيزي اتحاد الطلبة ………………………………… طز فيك

J

صباح الخير او مساء الخير حسب ما تقرا الموضوع النهاردة جاى احكيلكم عن حاجة سخيفة جدا اسمها انتخابات اتحاد طلبة هى مش سخيفة هى هزلية اكتر منها سخيفة و كمان المفروض مش اسمها انتخابات ممكن تسميها تربيطات ، استعباطات اتحاد الطلبة اى حاجة تيجى على بالك و انت بتكرهها ، احكيلكم الحكاية بقي:

فجاءة بلا اى مقدمات ظهر هرج و مرج في الكلية … ايه يا جماعة اللى حصل ؟؟؟ انتخابات اتحاد الطلبة؟؟؟ اتحاد الطلبة ده بيبع ايه ده؟؟؟ مش عارفين بس احنا هنرشح نفسنا فيه هههههه  المهم الوضع كالتالى اسرتين هما اللى بيحصل بينهم صراع و التالتة تعتبر البركة بتاعت الكلية او تقدروا تقولوا الفاسوخة ده حتى الدكتور اللى بيشرف على الاسرة بيتريق عليها كل واحد نزل بالمرشحين بتوعه تلاقى و انت قاعد مع اصحابك  واحد نزل عليكم زى البراشوط و يقولك انا فلان بن علان مرشحكم عن اللجنة الثقافية او اى لجنة و يقعد يقولك رشحنى و انا الاحق و انا اللى دهنت الهوا دوكو و الكلام البتنجان ده المهم تسأله تعرف ايه عن اللايحة بتاعت الطلاب ميحطش منطق  طب انت مرشح عن اللجنة الثقافية عملت ايه عشان تترشح يقولك شاركت في برنامج مسابقات ههههههههههه طب انت هتعمل ايه لما تبقى عضو اللجنة الثقافية يقولك هساعدكم ، ازاى؟ يقولك هجيب لكم ورق امتحانات السنين اللى فاتت ،بس؟؟؟ امال انتم عاوزين ايه؟؟؟؟ و طبعاً كل شوية يجيلك واحد و يعمل نفس الكلام و في الاخر نكتشف ان محدش منهم عارف حاجة عن اللايحة و لا فكر يشوفها و معندوش اى تفكير هو هيعمل ايه لما يبقى عضو اتحاد طلبة هو بس داخل عشان يتكتب اسمه في اتحاد الطلبة و المشكلة ان اتحاد الطلبة ده حاجة ملهاش اى قيمة نظرا لان اللوايح اللى عدلها الريس الراحل انور السادات خلته زى عدمه ميعرفش يعمل حاجة من غير الرجوع للامن، المهم الانتخابات يوم الاثنين ( اللى هو اجازة في جدولى) كل ما حد يقولى انتخبنى اقوله ربنا يسهل  ، الانتخابات يوم الاثن

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

كح كح كح……………… يا ساتر يا رب ايه التراب ده كله …كح كح

ياه الواحد بقاله قد ايه مجاش هنا حوالى 3-4 شهور معقولة الواحد يسيب المكان الفترة دى يلاقيه مليان تراب قد كده بس سبحان الله التدوينات زى ما هما محصلهمش حاجة بس ايه ده عداد الكهربا قصدى عداد الزوار شكله بايظ معدى ال500 زائر ازاى؟؟ مش عارف!! يظهر انى سبت الباب مفتوح قبل ما امشى ما علينا طبعاً ناس هتسأل كنت فين الوقت ده كله؟؟؟ اطمنوا مكنتش فى السجن بس كنت فى حاجة شبهه اسمها معتقل الامتحانات طبعا مش قاعد بمتحن 4 شهور لا انا الاول امتحنت امتحانات نص الترم و بعدها مش عارف قد ايه بدات امتحانات اخر السنة انا سامع واحد بيقولى حضر نفسك عشان تدينا حلاوة النجاح ههههههه حلاوة ايه يا بنى ده انا محتاج معجزة عشان اعدى الترم ده الصراحة يا جماعة الترم ده كان اصعب ترم شفته فى حياتى و متسألش ليه لأنى لغاية دلوقتى مش عارف ايه اللى حصل اصلى شغال بالنظام اللى شغال فى كل الجامعة افضل نايم و متذاكرش و تعالى قبل الامتحان بكام يوم و ذاكر النظام ده زى الفل اشتغلت بيه سنة و نص اول سنة جبت جيد جدا و الترم الاول جبت امتياز انما الترم ده مش باين له اى تقدير انا دلوقتى بعمل حساباتى عشان اجيب مقبول تخيلوا الكارثة اللى انا فيها يلا مش مشكلة المهم الواحد يعدى الترم ده بس تصدقوا الامتحانات دى تخلى الواحد يتعرف على ناس كتيييييييييييير طبعاً هتقولى ازاى؟؟؟ بص لو انت ولد شاطر كده و عامل ملخصات للمواد و معروف انك مجتهد هتبقى شخصية مشهورة جداً جداً جداَ يعنى انا اعرف واحد صاحبى طول النهار شغال يكتب المحاضرات و يلخص و زى الفل كل شوية يجى ناس ميعرفهمش و يسلموا عليه و احنا قاعدين بعد ما يمشوا اسأله مين دول؟؟؟ يقولى و النبى يا بنى ما عرفهم كل الحكاية انهم صوروا كشكول المحاضرات بتاعى و نقعد نضحك هتقولوا طب انت يعنى بتعرف الناس دى عن طريق صاحبك اقولكم لا شوفوا انا منفعش فى الكلام ده صراحة مش بستحمل اقعد اكتب المحاضرات و بعد كده انقلها فى كشكول تانى و الكلام ده … انا لو المادة لها كتاب  يبقى خلاص اسمع المحاضرة و ابقى اذاكر منه اما لو المادة مش لها كتاب زى المادتين اللى كانوا عندى الترم ده يبقى اخدهم من زمايلى الفالحين طبعاَ ده مش كسل منى الحكاية انى مش بعرف اتابع الدكاترة يعنى مثلا عندى دكتور لمناهج البحث الدكتور ده مشوش و مش مرتب افكاره اصلا يعنى يكون بيتكلم فى موضوع و الناس بتكتب وراه فجأة يروح يخش فى موضوع تانى من غير ما يقول و بعد كده يقولهم على فكرة و يروح ناقل للموضوع الاولانى تانى طبعاًِ الناس بتخلط و محدش عارف فين اول الموضوع من اخره انا صراحة كتبت مرتين وراه و كنت بشد فى شعرى فبطلت اكتب وراه نرجع للسؤال انت ازاى بتعرف ناس فى الامتحانات؟؟؟ شوفوا انا كل المواد اللى كانت عندى مش ملخصها و لا كنت اعرف عنها اى حاجة ما عدا مادة واحدة الترجمة الصحفية بالنسبة ليا كانت اسهل مادة لأنها ترجمة من انجليزى لعربى و كانت بسيطة الامتحان عبارة عن 3 قطع من رويترز او اسوشيتدبرس و ترجمهم و خلاص كده المهم دكتور الترجمة مجاش غير 3 محاضرات قبل امتحان نص الترم فطبعاً الطلبة هاجت عليه عشان الامتحان قرب و هو كل اللى عمله قالهم اساسيات الترجمة  و ترجم 5 قطع فالدكتور حب يراضيهم راح عمل ايه؟؟؟ حدد لهم القطع اللى هتيجى فى الامتحان كانوا عبارة قطعتين من 3 قطع هو مش مترجمهم بس كانوا معانا و قالنا ترجموها و هتلاقوها فى الامتحان طبعاً معظم الطلاب الانجليزى بتاعهم كسيح محتاج ترميم المهم انا جبت ال3 قطع و ترجمتهم و كتبتها على ملف وورد و طبعت نسختين واحدة ليا و واحدة لزميلى اللى انا قولتلكم عليه فوق (هو اه شاطر فى بقية المواد بس ميعرفش فى الانجليزى)و عشان مكدبش بعتها لواحد تانى على الميل عشان هو حالتها صعبة جداً(سقط ترم) فقولت بلاش يكمل سنة بحالها المهم اديت لزميلى الشاطر نسخته و الواد ده على فكرة بتاع بنات يعنى مستعد يعمل اى حاجة عشان يبقوا جنبه المهم كان فى بنت نعرفها شافتنا و هو بياخد النسخة منى جت بتسأل ايه اللى معاكوا ده قولتلها مفيش انا كان فى نيتى ان عدد صغير هو اللى يعرف الترجمة بس عشان منعملش مشكلة و يقولوا الامتحان اتسرب للطلبة المهم سبته معاها و مشيت بعدها بيوم لقيت كل البنات اللى هو يعرفهم معاهم نسخة من القطع المترجمة و كمان لقيتهم كل ما حد يسالهم جبتوا الترجمة دى منين يشاوروا عليا و كل ما امشى فى الكلية الاقى ناس بتسلم عليا و يقولوا متشكرين على ا

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

سؤال موجه ليك ….ايوة انت متقعدش تبص حواليك بذمتك كام مرة واحد سألك فى حاجة عن الدين و انت جاوبت عليه بفتوى و انت مش عارف حاجة خالص عن الموضوع؟؟؟؟ مش عارف ايه اللى خلانى افكر فى الموضوع ده دلوقتى  يمكن عشان الحكاية اللى حكاها ليا اخويا عن الكلام اللى دار بينه و بين زملائه حول الوضوء شوف الحكاية انه كانوا قاعدين فواحد منهم قال ان ماء الوضوء بتمسح ذنوب الواحد كلها فأخويا وافقه على الكلام ده  و قال بس ده مش معناه انك تقعد طول الوقت تتوضئ راح رد و قاله لأ ده معناه انك تتوضئ على طول حتى لو كان وضوئك سليم عشان ربنا يغفر ذنوبك قاله معنى كده ان لو واحد نقع نفسه فى مية البانيو يبقى خلاص ضمن الجنة راح دخل واحد تانى و قاله اه يا عم انا هنقع نفسى فى المية و اتخلص من كل ذنوبى (بيهذر) راح اخويا قاله ياعم انت لو نقعت نفسك فى البانيو ذنوبك هتسد البلاعة راح دخل واحد مالوش دعوة بالموضوع و قاله انت هتهذر فى الدين (غضبان) اخويا بص له بإستغراب و قاله انا هذرت فى ايه فى الدين؟؟؟ قاله فى القرآن … اخويا قاله هات دليل واحد انى هذرت فى القرآن قاله  خلاص مش فى القرآن بس متهذرش فى الدين ………اللى انا فهمته من الحكاية دى انه كان فى نوعين قاعدين بيتكلموا مع اخويا فى الدين النوع الاول اللى واخد الدين بسهولة اكثر من اللازم بمعنى انه شايف انه لو اتوضأ كل شوية يبقى خلاص ذنوبه راحت و هيخش الجنة يعنى ساب الصلاة و الصوم و الزكاة و باقى الفروض و الواجبات اللى قالها ربنا و مسك فى الوضوء و فكرتنى بكام فتوى قالها زملائى فى الكلية منها على سبيل المثال فتوى الشيخة مريم:)و اللى افتت بأنه اللى يستغفر ربه 99 مرة يبقى كأن امه ولدته من جديد ههههههه يعنى و انا قاعد كده مش بصلى و لا بصوم ولا بعمل اى خير اقعد اقول استغفر الله العظيم يبقى خلاص و سيبك بقى من الحج و الدعاءو الصلاة وعلى فكرة الشيخة مريم قالت الكلام ده بعد ما حاولنا انا و زميل ليا نقولها تقوم تصلى فتوى اخرى للشيخ الوردانى زميلى قال ان كل المسلمين هيدخلوا الجنة قولت له مش لازم فى ناس مسلمة بالاسم بس و مش عارفين حاجة عن دينهم قالى بلهجة الواثق من فتواه كأنه خريج الازهر و احد شيوخها الاجلاء يا بنى ما دام قال لا اله الا الله :محمد رسول الله يبقى خلاص ضامن جنة قولت له خلاص انا هروح اعمل كل معاصى الدنيا و قبل ما اجى اموت اقول التشهد و يبقى خلاص راح رد و قالى ان شاء الله هنخش الجنة بعدها بصيت له و قولت لنفسى مين المفترى اللى قاله الكلام ده …….. نرجع للأنواع اللى كنت بقول عليها النوع التانى بقى اللى مش بيقبل اى كلام فى الدين يعنى لو ناقشته فى اى حاجة فى الدين حتى لو كانت صغيرة تجده يرفض كلامك و يتهمك انك لا تعلم اى شئ بل ربما يكفرك ..فى مرحلة الثانوية كان يدخل لنا استاذ لا اذكر اسمه الحصص الاحتياطى (بمعنى ان المدرس غائب فيدخل احد المدرسين بدلاً منه) و يشرح

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

صباح ا لخير       

مش عارف يا جماعة اذا كنتم حاسين بالمشكلة دى و لا لأ بس انا هقول و خلاص مش هخسر حاجة انا من الركاب المنتظمين للمترو عارفين انتم القطار اللى بيمشى على قضيب هو ده دايما بركبه عشان اروح الكلية معرفش غيره و مش عارف لو حصل عطل ليه هروح الكلية ازاى؟ ربنا يستر محاضراتى بتبدأ الترم ده من الساعة 9 و المشوار بالمترو بياخد ساعة يعنى اكون فى المحطة على الساعة 8 اوصل الكلية بالضبط  المهم بكون لابس هدومى و موضب نفسى و ماسح الجزمة عشان المنظر مش معقول طالب بكلية اعلام و ماشى مبهدل ابص المراية و اتوكل على الله و انزل 10 دقايق اوصل المحطة و استنى المترو يجى طبعاً المحطة عليها امة لا اله الا الله و متعرفش يعنى ايه الفراغ يجى المترو انا اول مرة رحت اركبه كنت فاكر انه لاننا المحطة التانية فى الخط يبقى هيكون المترو فاضى بس اول ما ببص عليه الاقى امة لا اله الا الله التانية فيه هههههههه يبقى امة جوة و امة برة و تخيل المنظر عند بوابات المترو الصراحة المترو بتاع اليابان مش حاجة بالنسبة لبتاعنا هناك بيقولوا عينوا ناس عشان يزقوا اللى داخلين المترو احنا مش محتاجين الناس قايمة بالواجب و زيادة المهم لما بكون نازل بدرى بفوت اول مترو طبيعى عشان الزحمة تخف شوية انما لما اكون متأخر لا يمكن افوته وده بيفكرنى يوم جمييييييييييييييييييييييييييييل جدا كنت رايح فيه الكلية مش فاكر كان يوم ايه بس اللى فاكره انها كانت محاضرة من 2-5 مادة مدخل ادارة علاقات عامة و كان السنة اللى فاتت و كان اليوم اخر مباراة فى بطولة العالم للاندية اللى الاهلى جاب فيها المركز الاخيرة بكل جدارة ههههه كانت اخر محاضرة و اهمهم لانه هيحدد ايه اللى المفروض نذاكره عشان الامتحانات كانت قربت المهم نزلت من البيت بدرى و رحت المحطة و طبعاً كانت مليانة ناس متعدش رحت مفوت اول مترو و استنيت التانى اللى للاسف اتأخر عن ميعاده و بالتالى الناس بقت اكتر من الاول اول ماجه التانى لقيته زحمة برضة مكنتش عاوز اركب عشان الناس بتبقى صعبة فى الزحمة المهم جيت ارجع لورا عشان ابعد عن الباب ببص ورايا لقيت سد من الناس منع الرؤية فجاة باب المترو فتح ولقيت نفسى بدل ما ارجع لورا بطلع لقدام بقوة من اغير ما اتحكم فى رجليا لقيت نفسى جوة المترو متعرفش ازاى  قولت مش مهم ادينى ركبت اوصل بدرى 10 دقايق مش هتخسر حاجة  المترو وصل للمحطة اللى بعديها و

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

عمرك جربت تكتب يومياتك؟؟؟ تكتب كل حاجة بتمر بيها كل يوم صحيت امتى و عملت ايه اول ما صحيت و رحت فين و عملت ايه و رجعت بيتك امتى و كلت ايه و كلمت مين و شربت ايه  و الكلام ده كله انا عن نفسى عمرى ما جربت  بس فكرت فى الموضوع ده كذا مرة بس عمرى ما بدأت فى تنفيذه و متسألش ليه؟ ممكن عشان انا مش  جرئ او مش بحب اللى اكتبه يقع فى ايد حد اعرفه ما علينا من مدة كده كنت عمال اقلب فى المدونات اللى موجودة هنا لقيت موضوع عن كتابة اليوميات مش فاكر مين كان كاتبه بس خلانى افكر اكتب عن يوم معين هو كان يوم اجازة بس كنت متضايق فيه قوى مش عارف ليه بس قبل ما اسيبكوا تقروا ايه اللى حصل فى اليوم ده احب اقولكم انى مش كاتب عبقرى انا مجرد واحد بيكتب اى حاجة فمش ملتزم بأى حاجة

الساعة 2:5صباحاً قاعد فى اوضتى مش بعمل حاجة عندى ملل زهقان قرفان فجاءة مبقاش عندى اى رغبة انى اتكلم مش عاوز اتكلم مع اى حد او اعمل شات او اى حاجة كأنى رافض الكلام كله بفكر اخيط بقى و اخليه مقفول  مش عارف ليه !!!! فكرت اقرا قصة بس لقيت ان معظم القصص اللى عندى قريتها كذا مرة فكرت اقرا قصة انجليزى دورت لقيت قصة روبنسون كروز قريت اول صفحتين افتكرت انى قريتها قبل كده و كمان اتفرجت على الفيلم صدقونى قصة بايخة جدا جدا جدااااااااااااااااااااااا و ممكن تكرهوا حياتكم من كتر الرتابة و الملل اللى فيها

و بعدين اعمل ايه ؟؟؟؟؟؟؟؟؟؟ اه فكرة ليه مكتبش اللى انا عملته النهاردة…... تخ

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج